SATEMENE SAPA AKU

Wayahe katon wus lingsir, aku dumadakan tangi soko turu kang wus kepati, dak sumurupi kahanan udan deres tanpo kendat, katambah katumpo barat gede kang nggegirisi  malah ugo kaprungu suara jemblegur pambengoke gludug ing ngawang-awang kang kasusul mak...pet..... listrik PLN mati.

Dumadakan  ing ngen-ngenku tuwuh pitakonan kang aneh tur nyleneh.

Mangkene......

Mbesok yen mati paranku menyang ngendi.....? mlebu suwargo opo njegur ing nroko....? opo malah kaporo ora nang endi-endi......? 

Wiwit pangangenku gremet-gremet mlaku..........

lho biyen jaman mojopait aku nangendi, koyo ngopo lan opo sing tak rasake....?.

Kanyoto angel banget anggonku arep ngudari amargo pancen aku durong kacipto.

Saiki..................

aku jelas wus kacipto kanti urip kang dewoso, wengi iki aku iso mangerteni anane udan deres, angin kang sumiyut sarto suarane gluduk kang mangampak-ampak.

Oh..... koyo ngene iki to sing jenenge urip, aku duwe roso seneng, roso susah, duwe roso tentrem, ugo roso wedi lan liyo liyane.

Aku mau seko sore wis turu, jenenge mono wong turu kaporo aku ngimpi keporo babar blas ora tinemu impen, nek ngimpi mesti wae aku iso ngeling-eling lan crito kadadean kang dumadi ing alam pangimpen, ananging leh ku turu mau kepati sarto ora nuwuhake impen.

Sakdurunge aku tangi, aku ramangerteni kapan to udan iki kawiwitan....? mau ono angin gede opo ora....? terus ono gluduk opo ora.....? kamongko jelas aku isih urip, aku ijih ambegan, jantungku isih mompa getih lan disalurake menyang otak lan sakabeh papan ing ragaku. Ananging ngopo aku kok ora kroso opo-opo....? 

Pitakon iki katerusake tekan babagan tekaning tiwas.

Wong mati mono jelas rogo wis sumeleh, jantung wis macet, getih yo mandeg, samono ugo UTEG yo wis rakalap koyo otake einstin kang kasimpen ing lodong kanggo bahan penelitian.

Terus opo kiro-kiro sing dak rasak ake...? opo podo karo jaman sak durunge aku kacipto....?

opo koyo ngimpi....? opo koyo turu kepati tanpo impen....?

Yen kudune kahanane luwih nyenyet katimbang wong turu.

Lha terus swargo lan nroko nangendi papan dununge.....?

Nyuwun sewu sakdurengipun, temtu kito pitados dumateng Kuwaosing Gusti, ugi misteri ingkang karipto saking Astanipun Gusti.

Koco benggolo iman temtu mboten sami kaliyan punopo ingkang kito penggalih saking paningal kadonyan.

Kawulo boten mangertos duko saking cubluking manah  sarto seserepan utawi tipising kapitadosan kawulo saenggo nuwuhaken ngen-ngen engkang cetek sarto njelehi puniko.

Aku salah apa bener??

Menungsa iku mung ngerteni apa kang katon lan katindakake. Bener lan salahe menungsa iku ora ana kang mutlak sadaya tansah owah gingsir.